MNF hmeichhe MLA-in politics-a insit lo turin hmeichhiate a chah

MNF party chuan nimin khan an pisa Mizo Hnam Rûnah inkhawm an nei a; thu sawitu MNF adviser Prova Chakma, MLA chuan, politics-ah hmeichhiate'n duhthlanna leh inpekna an mamawh thu sawiin, insit lo turin hmeichhiate a chah.

Prova Chakma chuan, "Hmeichhiate hi kawng tinrengah mipate el pha kan ni tawh a, politics khelh chungchangah ngat phei chuan duhthlanna leh inpekna chiah kan bak tawh. Tunah chuan hmeichhiate hi thil ti thei tak, lehkha zirnaah pawh mi chung en, hnathawhnaah pawh hlawtling tak takte an nih tawh avangin hmeichhia nih vang ringawta insit leh kiltawih a hun tawh lo a ni," a ti.

MNF Legal Board vice chairman Lalpianfela Chawngthu pawhin thu sawiin, "Mizoramah sorkar nghet ṭha tak kan nei hi ram leh hnam himna atan thil pawimawh a ni. 2018 MLA inthlan dawnah te, 2023 inthlan dawnahte mi tam takin BJP tel loa sorkarna siam theih loh, majority awm lo tur angtein an ring lawk a, mahse, BJP tel loin sorkarna siam a ni leh ṭhin a, a lawmawm em em a ni," a ti a; BJP tel lo sorkar hnuaiah Mizoram, hnam leh sakhua venhim a la nih reng thu a sawi.