Health care thar la peih lo

Mizoram State Health Care Society (MSHCS) chuan nimin khan circular tichhuakin, health care scheme thar peih a la nih loh thu an tarlang.

MSHCS tarlan danin, Mizoram State Health Care Scheme policy kal lai mek April 2023 - March 2024 chu scheme thar hman tur avangin June 2024 thlenga hman theih tura pawhsei a ni a; scheme thar hman tura peih a la nih loh avangin April 2023-March 2024 chhunga inziak lutte tan July 2024 thlenga hman chhunzawm leh tur a ni.

Hetih lai hian, July 2024 thlenga hun pawhsei hian policy anga sum hman theih chin bituk Rs 2,00,000 hmang zo tawhte a huam lo ang. District-a chief medical officer-te an bial ṭheuhah lo puangzar tura hriattir an ni.

Health minister Lalrinpuii chuan, Mizoram sorkarin Rs 5,00,000 thleng pawisa chawi loa damdawi-ina inenkawl theihna Universal Health Care Scheme a kalpui dawn thu a lo puang tawh a ni.