Nungcha kap hlumtute hrem an ni

March 10, 2024-a Khamrang rama thehlei leh ṭhuro kap hlumtu Lalramzauva (52) leh Lalmuanthanga (34), Phunchawng ve vete chu Kolasib district Chief Judicial Magistrate (CJM) chuan ni 5 chhung jail-a táng tur leh Rs. 10,000 ve ve chawi turin a hrem.

Lalramzauva leh Lalmuanthanga te hian Wildlife Protection Act, 1972 bawhchhiaa thehlei pali leh ṭhuro pakhat an kah hlum avangin Kawnpuia Forest Range Officer chuan Kolasib District Court-ah criminal complaint a thehlut a ni.

Thubuai ngaihtuahtu Kolasib CJM Cacy Malsawmtluangi Ralte chuan June 25, Thawhlehni khan thutlukna siamin, Lalramzauva leh Lalmuanthanga te chu thiam loh a chantir a; ni 5 chhung táng tur leh Rs 10,000 chawi turin a hrem a ni. An pahnih hian an silai mansak a ni bawk.