MNF-in lawmthu an sawi

MNF party chuan thu-chhuah siamin, Aizawl Municipal Corporation (AMC) Ward-XIX leh Sakawr-tuichhun Local Council by-election tluang taka neih a ni chu lawmawm an tih thu te, inthlan buaipuitute leh MNF candidate-te thlangtu mipui chungah an lawm thute an tarlang.

MNF chuan, AMC by-election-ah MNF an chak ngei an beisei thu sawiin, "Kan candidate Dr Lalrinzuali Hrahsel vote-tute leh puitute zawng zawng chungah lawmthu kan sawi," an ti a; Sakawrtuichhun LC member atana thlan tlin tâk chu an lawmpui thu an tarlang bawk.