Police-te chu ṭha turah Mipuiin min ngai: DGP

Mizoram Director General of Police (DGP) Thianghlima Pachuau chuan, police-te chu mipuiin ṭha viau tur leh rinawm taka hna thawk turah an ngai tih sawiin, "Kan tih tur ṭheuh ṭha taka kan tih hian thu dikin ro a rel ṭhin," a ti.

DGP hian nimina Aizawl SP office confere-nce hall a hawnnaah thu sawiin, "India ramah Mi-zoram police anga ṭha an awm lo a, chu ai pawhin kan la ṭha thei a ni," a ti a; department danga thawktute ang lo takin, police pakhat che chhia awm se, police zawng zawng hmel a tibâl thei tih a sawi.

IGP Zorammawia pawhin thu sawiin, depart-ment inawpnaah mi khirh chi leh mite tana awlsam taka thawk thei chi a awm theih tih a sawi a, "Mipui rawngbawl kan nihnaah a awlsam thei anga kan chêt hian mipui tan a hahdam a ni," a ti.

Aizawl SP office con-fe-rence hall hawnna inkhawm hi Aizawl SP Lal-huliana Fanai-in a kaihruai a, additional SP Rex Zarzo-liana'n technical report a pe. Conference hall hi Rs. 9,00,000 senga siam a ni.