Tourism lama hmasawnna tur lungphùm CM Hawla'n a phum

June 7, 2016 tlai khan hmarchhak state-a tourism leh a hmunhmate tihhmasawn leh thuamna atana sorkar ruahmanna thar, Swadesh Darshan North East Circuit hnuaia Mizorama project hma-sa ber leh lian ber tur, 'In-tegrated Development of New Eco-Tourism' lungphùm chu Thenzawl community hall-ah chief minister Lal Thanhawla'n a hawng.

Chief Minister chuan, hmasawnna lo lut tur dawnsawn thiam a, dâwl zo turin rilru sûkthlêk leh ngaihtuahna inbuatsaih a
ṭul tih a sawi a, "Thil ropui kan beisei chuan rilru zau tak kan put thiam a ṭul" a ti.

Integrated Develop-ment of New Eco-Tou-rism hnuaiah hian cheng vbc. 94 ruahman a ni a; Thenzawlah Golf Course puitling leh Con-vention Centre, Zote 'S'-ah eco-tourism hawi zawngin eco log cluster cottage cluster, Reiekah khualzinte hîpna leh hlut tur ang chi - rapelling, zip line, body zorbing, rope course leh thal kahna hmun siam tum a ni.