MLA-te'n hmasawnna hnathawh an enfiah

Mizoram Legislative Assembly hnuaia Committee on Local Fund Accounts (COLFA) chuan, nimin khan 13th Finance Commission Grant (2014-15) hnuaia Aizawl Municipal Corporation chhunga Ward X leh XI-a hnathawhte a hmunah kalin an enfiah.

COLFA-ah hian chairman chu John Siamkunga a ni a; member-te chu - Vanlalzawma, T Sangkunga, Lalthanliana, R Vanlalvena, Lalrinawma leh Vanlalawmpuii Chawngthu te an ni.

John Siamkunga chuan, thil tisual hâi lan emaw, dik lo laite chhui tur emawa feh chhuak an ni lo tih sawiin, "Hmasawnna leh mipui tana ro siamna tur sum, tualchhung roreltute hnenah pek a nih dan leh a hman dan tur ang taka hman a ni em, tih audit findings-a tarlante en chiang tur kan ni," a ti.