KHAWTHLIR

UN leh CM

UN Joint Initiative in Mizorama agency pali - UNIDO, UNDP, ILO leh FAO aiawhte chuan nimin chief minister Lal Thanhawla a bangla-ah hmuin an hmalak tawhna leh hmachhawpte an hrilh. CM chuan, UN agency pali inzawmkhawmin kut hnathawktute thiamna tihpunna leh an mahni kawng hrang hranga zirtirna pe tura an hmalakna avanga a lawmthu a sawi.

Inspector of Taxes

MPSC chuan June 8 khan Inspector of Taxes exam result a tichhuak a, mi 10 an tling a, panel list-ah mi panga an awm. Inpector of Taxes laknaah hian January 13-15, 2016 chhungin written exam neih a ni a, June 7-8 chhungin personal interview neih a ni.

Thisen pe

Aizawl Art Gallery chuan nimin khan an hmunah blood donation camp an huaihawt a, Aizawl Civil Hospital tan mipa 31 leh hmeichhia pangate'n thisen unit 36 an pe.

Dan zirho

Narcotics Control Bureau, Zonal Office, Guwahati leh CID (Crime) buatsaihin nimin khan Aizawl SP office conference hall-ah police leh excise officer-te tan, ni hnih awh tur 'Drug Law Enforcement' chungchang zirhona buatsaih ṭan a ni a, DGP Thianghlima Pachuau-in a hawng.

NLUP sem

Agriculture department chuan nimin khan an department hnuaia NLUP trade thlangtute hnenah ṭanpuina an sem. NLUP hi leilet (WRC-I) thlangtu mi 57 hnenah Rs. 20,000 ṭheuh, WRC-II thlangtu mi 73 hnenah Rs. 20,000 ṭheuh leh, fu thlangtu mi 13 hnenah Rs. 16,000 ṭheuh pek a ni.

Award sem

St. Peter’s Higher Secondary School, chhingchhip chuan, nimin khan an sikul
aṭanga kumin HSLC leh HSSLC examination-a zirlai ti ṭhate hnenah C Lianthangpuia Memorial Proficiency Cash Award an sem a, minister Lal Thanzara'n a hmanpui.