Synod-in missionary 40 tír chhuak

Mizoram Synod chuan Synod Mission Board (SMB) hnuaia thawk tur missionary lak thar mi 40-te tirhchhuah inkhawm nimin chawhnu khan Chaltlang Kohhran biak-inah an hmang.

Missionary tirhchhuah inkhawm hi SMB secretary Rev. C Zorammawia’n a kaihruai a, Synod executive secretary (SMB) Rev. K Lalrinmawia'n tirhchhuahna hun hmangin, thuchah a sawi. Missionary ṭang lai zinga kum 2020-a pension a chhuakte hnenah ngaihhruina hlan a ni bawk.

Nimina tirhchhuah tâk mi 40-te hi mipa 13 leh hmeichhia 27 an ni. Missionary ni turin nikum khan lâk an ni a, January 8-30, 2020 chhung khan Reformation & Camping Centre-ah residential orientation training neihpui an ni tawh a ni.