Hawla'n martarte ruhro a diriam lo: MPCC

MPC party chuan thu-chhuah siamin, MPCC president leh chief minis-ter Lal Thanhawla'n Mizo hnam tana martarte ruhro a diriam lo niin an tarlang.

MPCC Media depart-ment thuchhuah chuan, CM Lal Thanhawla’n Mizo hnam sipai nunna chána hmun hrang hranga phûm, an ruhro MNF party-in la khawma Mar-tarte Thlanmuala a phûm ṭhat lehte hmusit takin a sawi nia Ex-MNA-te'n an sawi chu thil an hriat chian loh vang niin a tarlang.

MPCC chuan, MNF party-in an ngaihsak miah loh, independence suala martarte chhungkhat lai-náte leh remna vanga ral-thuam daha lo kîrte chu CM Lal Thanhawla'n a theih ang angin a chhawm-dawl niin an sawi a, "Hei vang hian Martar Fa-mily Association leh PAMRA-te chu kan CM chungah an lawm hle a ni," an ti.

MPCC thuchhuah chuan, "An mi leh sate ngei ngaihsak duh si lo a, politics-a hamṭhatna awm dawna an hriat vanga tuna taka MNF hotute'n an ruhro langsar tak leh ropui taka an cheibáwl hi a demawm em avangin Pu Hawla hian MNF hotute a khak mai zawk a ni," an ti a; hnam pasal-
ṭhate an zahawm avang leh MNF-in an ngaihthah avangin Congress ṭha-laite'n kum 1997-ah Sesawnga CTI hmunah martarte hriatrengna an phun niin an sawi.