Misual hrem lohin an chhuak tur a ni lo - Law & Judicial Minister

Child Welfare Com-mittee (CWC) leh Inte-grated Child Protec-tion Society (ICPS)-te chuan, nimin khan Aijal Club-ah ‘Stakeholder’s plenary discussion on Protection on Children from Sexual Of-fences (POSCO), Act 2012' an buatsaih a; khual-lian, Law & Judicial minis-ter Lalsawta chuan, misualte chu hrem lohin an chhuak tur a ni lo tih a sawi.

Naupang chunga hlei-lenna chu tu pawhin an tuar thei tih sawiin Lal-sawta chuan, "Sorkar, tlawm-ngai pawl, khaw-tlang leh police-te hian hrui khat vuana kan do tlan hi tihmâkmawh a ni tawh," a ti a; sorkar chu sualna do turin a tih theih chinah a inbuatsaih a ṭul thu a sawi.

Law & Judicial Minister chuan, thubuai a awmin thuhretu an pawimawh rualin, police-te pawhin duhdah taka hma la lo a, misual hrem an nih ngei theihna tur bawhzui ṭhat a ngai tih a sawi a, "Misualte chu hrem lohin an awm tur a ni lo. Mipuite leh khawtlang ṭhatna tura pawl hrang hrangte pawhin theihtawp chhuaha ṭan an khawh a ngai tawh," a ti.

Sawihonaah hian Champhai CWC chair-man VL Chama Hnamte, Ai-zawl DCPO James Lal-thang-mawia, Aizawl addi-tional SP Rex Zarzoliana leh MACT presiding officer Marli Vankung ten thupui hrang hrang hmangin thu an sawi.