AP CM-in Yagamso lui thianfaitute a fak

Arunachal Pradesh-a Youth Mission for Clean River (YMCR) chuan Yagamso lui tihfai hna thawkin, hun rei tak aṭanga he lui dunga bawlhhlawh chhek khawl, kg 9,000 chuang chu hlawhtling takin an la chhuak. Arunachal chief minister Pema Khandu chuan YMCR chu fakin a lawmpui tih a sawi.

Yagamso lui tihfai hna hi YMCR leh Capital Complex District thuneitute nena ṭangkawpin thawh a ni. Khandu chuan YMCR leh Capital Complex district administration thuneitute inpekna chu a ropui a tih thu sawiin, bawlhhlawh Kg 9,000 chuang an la chhuak thei chu a lawmpui thu a hrilh bawk. CM chuan ramngaw leh nungcha humhalh kawnga thawh ho a pawimawh thu a sawi a, mipuite chu Arunachal leh India ram tana hna an thawhnaah thawhpuiah a sawm bawk.

CM Khandu hian he thenfai hna thawh kawnga tha thawhtu mimal leh tlawmngai dang thawk chhuakte chungah lawmthu a sawi. Yagamso luia bawlhhlawh thenfai hnatlang neihah hian Miss Arunachal thlannaa tel, Taba Anya leh Adam Wangsu bakah All Arunachal Pradesh Students' Union (AAPSU) womens cell leh All Aka Students Union te chuan tha an thawh ve bawk a ni.