Assam sorkarin zirlai harsate college admission fee a tumsak dawn

Assam sorkar chuan college zirlai, an chhungte kum khat sum lakluh Rs nuai 2 aia tlemte chu admission fee a tumsak dawn tih a puang. He hmalakna hi zirlai rethei zawkten zirna an chhunzawm theih nana ti an ni.

Assam sorkar hian admission fee a tumsak avang hian kum khat chhungin Rs vbc 150 a seng tur anga chhut niin. July thla apiangin college hnenah sum hi a chhung lut ṭhin dawn a, college lamin zirlai he hamṭhatna dawng theite chu fee a laksak dawn lo a ni. He scheme hi zirlai harsa zawk tam tak, zirna sang zawk zir chhunzawm zel duhte tan a ṭangkai dawn hle a ni.

Sorkar hian admission fee a tumsak dawn bakah hian admission tih kawnga harsatna neiten an harsatna an thlenna tur a siam thar bawk. Zirlaite chuan education department emaw an awmna hnuaia deputy commissioner hnenah emaw admission tihna kawnga an harsatna tawh an thlen thei ang.

Assam sorkar hian admission fee a tumsak mai bakah zirlaite tan hamṭhatna hrang hrang a lo siam tawh a, kum 2023-24 chhung khan state chhunga zirna kaihhnawihah zirlai nuai 3 chuang hnenah a thlawngin cylce an sem tih Assam chief minister Himanta Biswa Sarma chuan a lo sawi tawh bawk. Hemi bakah hian zirlai harsa zawk ṭanpui nan zirlai 17,19,306 tan fee a ngaihnathiam bawk.