AMC Ward-XIX by-election-ah ZPM candidate thlan tlin a ni

Aizawl Municipal Corporation (AMC) Ward-XIX by-election-ah ZPM candidate Dr C Malsawmtluangi thlan tlin a ni a, amah hnaih bertu MNF candidate Dr Lalrinzuali Hrahsel chu vote 1,042-in a hneh.

AMC by-election-a vote tlate hi nimin chawhma dar 10 aṭangin bawrhsap Nazuk Kumar leh returning officer Lalmuansanga Ralte kaihhruaiin Aizawl DC pisaah chhiar a ni a, darkar khat chhungin chhiar zawk a ni.

Thlan tlin tâk ZPM candidate Dr C Malsawm­tluangi'n vote 3,544 a hmu a, hei hi vote tla zawng zawng 7,342 aṭangin 48.27% a ni. MNF candidate Dr Lalrinzuali Hrahsel-in vote 2,502, INC candidate Effie Vanlalhmangaihi'n vote 1,170 leh BJP candidate K Vanlalruati'n vote 102 an hmu a; NOTA-a vote tla 24 a awm bawk.

Returning officer Lal­muansanga Ralte chuan vote chhiar zawh a nih hnuah Dr C Malsawm­tluangi hnenah thlan tlin a ni tih hriattirna certificate a hlan nghal a ni.