Agri. officer-te'n inkhawmpui hmang

Mizoram Agriculture Service Association (MASA) chuan nimin khan Tourist Lodge, Chaltlangah General Conference vawi 9-na an hmang a; khuallian Agriculture minister PC Vanlalruata chuan, Agriculture officer-te kutah kut hnathawktute dinhmun chàwikàn a awm a ni tih pawm turin a chah.

Agriculture Minister chuan, sorkarin kut hnathawktute intodelhna tur a ngai pawimawh tih sawiin, "Agriculture department hi thlai thar leh buh lei tum kengtu tur department kan ni a, kan ṭan hle a ṭul. MASA member-te hi kut hnathawktute tana thawk in nih avangin an dinhmun chàwikàn hi in kuta awm a ni tih pawm ang che u," a ti.

Agriculture officer-te chu an thiam­na leh theihnate kut hnathawktute dinchhuah nan ṭhahnemngai taka hmang tura chahin PC Vanlalruata chuan, "Central leh state sorkar aṭanga sum kan dawnte ṭangkai leh daihzai taka hman a ṭul," a ti a; buha intodelhna turin leilet awm sate thawm ṭhat leh khawl hman ṭangkai a ṭul thu a sawi.

MASA inkhawmpuiah hian ro an rel bakah, kum 2024-2026 chhunga hruaitu tur thlan a ni.