Adolescents Education Program kalpui dan Aizawl DC hoin thlirho

Aizawl District AIDS Prevention and Control Committee chu nimin khan an chairman Nazuk Kumar, bawrhsap hoin DC conference hall-ah an ṭhu a; zirlai tleirawl zinga HIV/AIDS chungchang inzirtirna mumal tak neih a nih theihna tura hmalakna - Adolescents Education Program (AEP) kalpui dan an thlirho.

Ṭhutkhawma tarlan danin, AEP hmalakna hnuaiah March-May 2024 chhungin Aizawl district-a sikul 177-a zirtirtu 332-te tan training buatsaih a ni a, chu'ng sikulte chu Aizawl East chief medical officer (CMO) chhunga sikul 95, Aizawl West CMO chhunga sikul 78 leh Mamit district-a sikul palite a ni.