ZPM candidate tlin lawmpui

ZPM party-a Zonu leh Upa Committee-te chuan thuchhuah siamin, AMC Ward-XIX by-election-ah ZPM candidate Dr C Malsawmtluangi thlan tlin a ni chu an lawm thu an tarlang a, a kal zelna turah duhsakna an hlan.

Zonu Headquarters chuan, Dr C Malsawm-tluangi thlang tlingtu Ward-XIX mipui chungah an lawm thu tarlangin, "Bial chhung leh Aizawl khawpui enkawl kawngah kan ring tawk a, a kal zelna turah duhsakna kan hlan," an ti a; ram rorelna lamah hmeichhiate an pên chhuak zel chu lawmawm an tih thu an tarlang.

ZPM Upa Com­mittee chuan, Dr C Malsawmtluangi chu an lawmpui thu tarlangin, "Rinawm leh huaisen taka hna thawk a, a bial chhung leh Mizoram tana mi chhuanawm ni turin duhsakna sang ber kan hlan a ni," an ti.