Khawtlangin mi bo zawng

Jimmy Lalṭanpuia (38) h/o Lalrochhari, Aizawl Venglai chu June 4, 2016-a a lenna PC Khuma in, Electric Veng, Aizawl aṭanga a chhuak chu tun thlengin a chin hriat zui a ni lo a, chhungkhat laináte'n an zawn hnuah, nimin aṭang khan khawtlangin an zawng ṭan.

Jimmy Lalṭanpuia hi ft. 5'11" vela sang a ni a, a bo lai hian t-shirt var, a hma lam a duma ṭial leh jeans kekawr dumpawl a hâ a, sneaker dum a bun.

Jimmy-a hi Aizawl Venglai khawtlangin nimin aṭangin an zawng a, hlawm hnihah inṭhenin, Rang-vamual lamah leh Durtlang-Sakawrhmuituai lamah an zawng a ni.

Amah àwm ang hmute chu police station-ah hriattir turin an ngen a ni.