Congress-in MPLC Act 2015 Zir chiangtu tur din ṭha an ti

Congress party of-fice bearer-te June 10, 2016-a ṭhukhawm chuan resolution pass in, Mizoram Liquor (Prohibition and Control) Act, 2015 zir chiang tura sorkarin Review & Evaluation Committee din se an duh thu an tarlang.

MPCC OB meeting resolution chuan, "MLPC Act 2015 chu kum khat chhung Mizoramah kan lo hmang ve ta a. He hun chhunga MLPC Act-in Mizoram a nghawng dan zir chiang turin Home Minister-in Review & Evaluation Committee lo din se ṭha kan ti. Committee hian uluk takin MLPC Act-in ram leh mipui a nghawng dan hi ṭan lam bik nei loin zir chiang se kan tiin kan duh a ni," a ti.

MPCC chuan, Remna Ni champha kum 30-na tluang taka Mizoramin a thleng tur chu lawmawm an tih thu an sawi a, "Remna leh muanna hi a pawimawh em avangin kan rama remna tluantling tak tak a awm theih nan Hmar Demand Area chhunga Hmar mipuiin an duh ang hian, Mizoram sorkar hian HPC(D) lungawi lote hi biain, Mizoram Peace Accord kum 30-na kan hman kumah ngei hian inremna a awm ngei theih nan theihtawp chhuah se kan ti," an ti bawk.