IIRF-ah Mizoram University 15-na

Indian Institutional Ranking Frame­work (IIRF)-in India rama zirna in ṭha a thlang a, central university zingah Mizoram University chu 15-na a ni. IIRF hian university ranking hi nimin khan a tichhuak.

IIRF ranking-ah hian India rama university 1,161-te teh an ni a; university 1,161-te chu central university 56, state university 486, deemed university 136, state private university 482 leh semi-government organisation enkawl pakhat an ni.

Ranking-ah hian central university zingah Jawaharlal Nehru University chu pakhatna a ni a; hmarchhak state angin Rajiv Gandhi University, Itanagar, Arunachal Pradesh chu sang berin, 12-na a ni.