Sorkar sikulte tlawh kual

Minister K Sapdanga chuan nimin khan a bial Aizawl North-III chhunga sorkar sikulte a tlawh kual a; a bial chhungah zirnain hma a sâwn theih nan ṭan la thar zel turin zirtirtute a chah.

K Sapdanga chuan, a bial chhunga sikulte a tlawh thei chu a lawm thu sawiin, "Sikul endik tuma rawn kal kan ni lo a, kan hotute'n mamawh an rawn thlen hunah kan lo mitthlà thiam theihna turin sikul fan hun hi kan ruahman a ni. Pathian zarah kum 4 leh a chanve vel hun kan la nei dawn a, kan theih ang angin kan inngaihsak chhunzawm zel dâwn. He bial chhunga zirnain hma a sâwn zel theihna turin zirtirtute pawh ṭan la thar zel turin ka chah che u a ni," a ti.

Sikul hotute'n an mamawh an lo thlen chungchangah Minister chuan, an tihlawhtling nghal zel thei lo a nih pawhin an bawhzui zel dawn a, tihhlawhtlin dan kawng an ngaihtuah zel tur thu a sawi a ni.