National Statistics Day hman a ni

Vawiin June 29 hi National Statistics Day a ni a, he ni pual hian nimin khan Mizoram hmun hrang hrangah hun hman a ni. Aizawlah chuan Directorate of Economics & Statistics-in an conference hall-ah an hmang a, State Planning Board vice chairman Dr Kenneth Chawngliana'n a hmanpui.

Planning Board Vice Chairman chuan, kumina Statistics Day thupui chu ‘Use of data for decision making’ tih a nih thu sawiin, "Tun dinhmun hre chiang tur leh kan hma hun atana ruahmanna rintlak siam tur chuan statistic leh data neih ṭhat a ngai. Tunah hian Mizoram hmasawnna turin statistic leh data dik kan neih theihna atan village profile siam tura inruahman mek a ni," a ti.

Dr Kenneth Chawngliana chuan, sorkar policy siam nan statistic leh data a ṭangkai thu sawiin, "Policy chu a hlawhtling em tih en lêt nan statistic leh data bawk hi hman ṭangkai thiam a pawimawh," a ti a, statistic dik leh data dik nei zel tura ṭan la turin thawktute a chah.

Day hmanna inkhawm hi Economics & Statistics director B Lalrinhlua'n a kaihruai a; Ministry of Statistics & Programme Implementation-in thupui a thlan hmangin zirhona leh sawihona hun hman a ni.

Lunglei, Mamit leh Saitualah pawh National Statistics Day hman a ni a; sorkar hotu te, tlawmngai pawlte leh zirlaite an tel.