Mi kut tuara thihna thleng Ṭhuampui LC-in pawi an ti

Lalrinmawia d/o Lalsangzuali, Armed Veng South chu June 27, 2024 zing dar 3 vel khan Ṭhuampui venga thei zawrhna lane-ah mi kut tuarin a thi nia sawi a ni. Hemi chungchangah hian Ṭhuampui Local Council chuan thuchhuah siamin, pawi an tih thu leh mitthi chhungte leh a awmna veng mipui an tawrhpui thu an tarlang.

Ṭhuampui LC chuan, "Hetianga nunrâwng leh râwvâ taka tualthahna thlengah hian kan khawtlang kan inhnamhnawih lo tih Zoram mipui kan hriattir a. Tun hnuah hetiang thil duhawm lo tak hi kan khawtlangah thleng nawn tawh lo se kan duh tak zet. Pawi khawihtu hi thuneitute'n a rang thei ang berin man ngei se kan duh tak zet bawk a ni," an ti.