English leh Mizo ṭawnga ziah pawl 11 zirlaibu pali tlangzarh

School Education minister Dr Vanlalthlana chuan nimin khan School Education directorate conference hall-ah Mizoram Board of School Education buatsaih pawl 11 zirlaibu English leh Mizo ṭawnga ziah subject pali - physics, chemistry, biology leh mathematics zirlaibute a tlangzarh.

Dr Vanlalthlana chuan, "India rama bilingual textbook hmang hmasa ber state kan ni thei hi a buaipuitute an chhuanawm tak zet. NEP 2020-in kaihhruaina a duante a theihna apiangah a tam thei ang ber kalpui tum a ni a, sokarin thawhhona (convergence) a ngaih pawimawh avangin zirtirtu leh Education department hotute in pawimawh," a ti a; zirlaibu buatsaihnaa thâ thawhtute hnenah chawimawina thilpek a hlan.

Sorkar thuchhuah tarlan danin, National Education Policy 2020-in ṭawng chi hniha zirna kalpui, a bik takin mathematics leh science subject-ahte a ngai pawimawh a, kum 2022 aṭang khan MBSE chuan Mizo ṭawng leh sap ṭawnga zirlaibu 'bilingual textbook' siam turin hma a la ṭan a ni.

Academic session 2023-24 khan pawl 9 leh 10-te tan science leh mathematics-ah English leh Mizo awm kawpna zirlaibu hman ṭan a ni a, Mizoram chu India rama bilingual textbook hmang hmasa ber a ni. Pawl 12 science leh mathematics zirlaibu chu English leh Mizo ṭawnga buatsaih turin buaipui mek a ni bawk.