CSS hnuaia thawkte nghehna tur thlirho

All Mizoram CSS Employees Coordination Commitee hruaitute chu nimin khan Aizawl DRDO conference hall-ah an ṭhukhawm a; Mizoram sorkarin Regularisation of Centrally Sponsored Scheme Employees a tihchhuah an zir chian bakah, scheme a hlawhtlin theihna tura hmalak zel dan tur an rêl.

AMCECC chuan thuchhuah siamin, "CSS hnuaia hnathawkte Mizoram sorkar hnuaia an ngheh ve theihna dan a lo piang ta hi Mizoram sorkar thuneitu zawng zawng leh an tana thâ thawhtute zawng zawng chungah lawmthu kan sawi a ni," an ti.