Sorkar hian fel an tum, an tlin lo - John Rotluangliana

Congress party chuan nimin khan Congress Bhavan-ah political session an nei a; PAC member John Rotluangliana'n thu sawiin, "Kan sorkar hian fel chu an tum khawp mai a, mahse, an tlin lo a ni e," a ti.

John Rotluangliana chuan, ZPM hoin austerity measure, year of consolidation tihte an sawi ṭhin thu sawiin, "A sapṭawng hi an hmang dik lo nge, a letling zawng hlirin an kal. VIP culture-te an ti a, a ken tel hi an hre lo a ni. VIP-te thu a ni lo a, security guard-te hi duh loh vanga pek loh ngawt theih a ni lo a, motor pakhat kawl pawh an ti thei bik lo a ni," a ti a; thil reng reng a páwn lam aṭangin sawi awl mah se, a chhungah chuan a har thu a sawi.

Sorkar kal mek chu sorkar a hriat tawhah a nâwi ber an nia a hriat thu sawiin John Rotluangliana chuan, "He sorkar kum khat pawh la tling lo nâwi tak hi an fing thut lo ang, an nawi telh telh ang. Term khat an daih lo ang," a ti.