MADC-ah MDC by-election

Nimin khan Mara Autonomous District Council (MADC)-a Chakhei bialah MDC by-election tluang taka neih a ni a, tlai dar 5 thlenga report-ah vote 84.91% a tla. Inthlanah hian zing dar 7 aṭanga tlai dar 5 thleng vote thlak hun hawn a ni a, voter 1,875 zinga 1,592-in vote an thlak. Vote tlate chu July 2, 2024-ah chhiar a ni ang.

Chakhei biala MDC ṭhin K Hrahmo chu nikuma MLA inthlanpuia Palak bial aṭangin MLA atan thlan tlin a nih avangin MDC a nihna a chawlhsan a, chuvang chuan by-election buatsaih a ni.

By-election-ah hian candidate pathum - Albert TT Sachu (BJP), T Essa (ZPM) leh KC Ngobei (MNF)-te an awm.