Jail táng tlan chhuak la man lo

June 28, Zirtawpni tlaia Central Jail, Aizawla táng mi pali chu prison van aṭangin an tlan chhuak a, nimin tlai thleng khan man an la ni lo.

Jail táng tlân chhuakte chu - Churachandpur, Manipur-a mi pathum - Paoboi Singson (33), Genkhopao Haokip (24) leh Augustin Seikholal Haokip (23) bakah, Daniel Lalzathang Baite (20) Bongmol, Manipur-te an ni a; ruihhlo vanga man, an thubuai ngaihtuah lai vek an ni.

Mi palite hi June 28 khan Aizawl District Court-ah hruai an ni a, court aṭanga Central Jail panpui an nih laiin tlai dar 4 velah Zonuam veng huam chhungah prison van tukverh tichhiain an tlan chhuak a ni. Police-te'n zawng zui nghal mah se, nimin tlai thleng khan man an la ni lo.

Jail táng mi pali tlan chhuah thu hi police station zawng zawng hriattir an nih bakah, khawtlang hruaitute pawh an awmna hria chu police hnena hrilh vat tura ngen an ni.