Bawngkawn-Durtlang kawng chhaka in pakhat ṭhiah rawt

Geology & Mining-a geologist-te leh sorkara mi pawi­mawh dangte'n nimin khan Bawngkawn-Durtlang inkara Bawngkawn Shalom Veng huam chhunga kawng­pui chhak lam aṭanga leimin an enfiah a; leimin chhaka Lalbiaksangi in, Assam type chu ṭhiah an rawt.

Thu dawn danin, leimin leh a chhehvel endiktute chuan Lalbiaksangi in thlang lawkah lei khî langsar tak tak pahnih a awm a, chu chu lei min leh mai tur tichiangtu a nih avangin Lalbiaksangi in chu ṭhiah ni se, an ti. In dinna laiah pawh khî a awm nual thu te, lei khi chuan in a pawh chêt thu leh kawngka pawh khâr theih loh a awm thute an tarlang.

Thuneitute chuan, lei tla/tawlh leh mai thei a awm avangin Bawngkawn-Durtlang kawng chu a him lo a, Quick Response Team tan pawh hmalak zung zung ngam a ni lo tih an tarlang a; lirtheia tlân tlang turte chu a hmuna traffic police leh Quick Response Team-te thu ngaichâng zel turin an chah a ni.