Minister hoin GST Rising Day lawm

Taxation department leh CGST Commisionerate chuan nimin khan Taxation auditorium-ah ‘Strong Enterprise, Comprehensive Development’ tih thupui hmangin ‘7th GST Rising Day Celebration’ an hmang a, Taxation minister Dr Vanlalthlana'n a hmanpui.

Dr Vanlalthlana chuan, khawtlang leh ram tihhmasawn nan chhiah tling khawmte ṭangkai taka hman ṭhin a nih thu a sawi a, "Chhiah kan pek hian keimahni, khawtlang leh ram tana hmasawnna hna thawh nana hman ṭhin a nih angin, chhiah lak khawmte chu chhiah petute tan bawka hman ṭhin a ni tih kan hriat chian hmasak a ṭul," a ti.

Goods & Services Tax (GST) lak khawm kawngah Taxation department-in hma a sawn zel theih nan thawktu indaih lohna phuhru turin hmalakna kalpui mek a nih thu sawiin Minister chuan, "Sumdawnna hrang hrang kaltlanga awlsam zawka chhiah chhùn luh a nih theih nan hmalakna kalpui mek a ni," a ti bawk.

Inkhawma tarlan danin, finan­cial year 2023-24 chhunga chhiah lak khawm cheng vbc 1,112 aṭang­­in GST kaltlanga hmuh chu vbc. 970 (87% vel) a ni.