KHAWTHLIR

MYC Chairman leh  IDCJ hotu inkâwm

Mizoram Youh Commission (MYC) chairman Malsawmzuala Ralte chu nimin khan a pisaah International Development Center of Japan Inc. (IDCJ) hnuaia Economic Development Department senior researcher Kenichiro Sugiya nen an inkâwm. Inkawmnaah hian infiamna lama MYC leh IDCJ thawhho theih dan tur an sawi a, MYC Chairman chuan thil ṭulte a sawi. Kenichiro Sugiya pawhin infiamna hmunhma siam lamah IDCJ-in ṭanpuina an ngaihtuah theih thu a sawi bawk. MYC leh IDCJ-te chu badminton-ah a bulṭhut (grassroot level)-a thawhho theih dan tur ngaihtuah ni se, an ti a ni.

Kawngpui khâr

Vaivakawn Zohnuai péng leiminna aṭanga Ropaiabawk, Chawlhhmun inkar chu nimin aṭang khan siam a ni a, hei vang hian kawngpui khar niin, hna thawh chhung zawng khâr a ni dawn.

Minister-in tlawh

Social Welfare, Tribal Affairs, Women & Child Development minister Lalrinpuii chuan nimin khan Lungleia SWTAWCD pisa a tlawh a; chhantu nei lo naupangte tan Juvenile Justice Act chu siamṭhat turin Cabinet-ah a kal thu leh thawktute harsatna chinfel dan tur a zawnpui thu a sawi.

Lawmthu sawi

Provisional Employees Association of Mizoram (PEAM) chuan thu­chhuah siamin, Council of Minister meeting hnuhnung pahnih - June 6 leh June 18-a neihah provisional employee (PE)-te tana One Time Relaxation leh Provisional Employees Saving Scheme pawm a ni chu an lawm thu an tarlang. PEAM chuan, "Kawng tam takin hma kan sawnpui ngei kan beisei a, inenkawlna dan ṭha zawk pawh neih theih thuai kan inbeisei hle a ni," an ti.

Fimkhur turin chah

Regional Meteorological Centre, Guwahati leh Meteorological Centre, Aizawl chuan Mizoram hmun ṭhenkhat, a bikin Mamit, Kolasib, Lawngtlai leh Siaha district-ahte nasa taka ruah sûr thei turin an hmu a; hmun ṭhenkhatah thlipui leh ruah thawk thei tur leh nasa taka ṭek tla theia hmuh a nih bawk avangin fimkhur turin mipui chah an ni.