Lirtheia life time tax tihtawp a ni Kum 5 atan chhiah pek tawh tur

Council of Minister nimina chief minister Lal Thanhawla hoa CS conference hall-a ṭhukhawm chuan, Mizoram Motor Vehicles (Taxation) Act, 1996 tihdanglam chu an pawm a, dan siamṭhatah hian life time tax tihtawp a ni a, lirtheite'n kum nga atan zel chhiah an pe tawh ang.

Transport deptartment hotute hnen aṭanga thudawn danin, sorkar aṭangin lirthei chhiah pek dan phung tidanglam tura rawtna an dawn avangin Mizoram Motor Vehicles (Taxation) Act, 1996 (5 of 1996) an duang a. Dan an siam tharah hian life time tax-a kum 15 atana chhiah pek ngai ṭhin chu tihtawp a ni. Life time tax hi road tax tia thlak niin, lirtheite'n chhiah kum nga atan zel an pe tawh dawn a ni.

Cabinet meeting-ah hian agenda paruk chhawp chhuah a ni a, heng zinga panga chu pawm a ni a; Reorganisation of Sialkal Range Development Council (SRDC) chu sum lam harsatna avangin a an pawm a loa, SRDC chu a ngai anga kalpui an rel.

Agenda chhawp chhuah sa bakah agenda pakhat Saiha district tih
ṭhin Siaha district tia thlak rawtna a luhbelh a, hei pawh hi an pawm.

Cabinet Meeting-a an pawmte

1. Ammendment of Mizoram Motor Vehicles (Taxation) Act, 1996 (5 of 1996)

2. ICDS scheme tih chakna atan leh thuam changtlunna atana post 57 hnawhkhah.

3. AH&Vety dep. hnuaia assistant engineer pakhat dah ngheh.

4. The Mizoram Water Supply (Control) (Ammendment) Rules, 2011 tihdanglam dilna

5. Champhai, Kolasib, Serchhip leh Mamit district atan District Urban Development Officer post pali siam.