KMMTTP huam chhunga ram neitute'n Contractor-te an dan chhan an sawifiah

Lawngtlai District Land Owners Association (LDLOA) hruaitute chuan, nimin khan Aizawl Press Club-ah thuthar thehdarhtute an kâwm a; Kaladan Multi Modal Transit Transport Project (KMMTTP) siam hna thawktu contractor-te hna thawk tur an dan chhan an sawifiah.

Thuthar thehdarhtute an kawmnaah hian LDLOA vice president H Remmawia leh advi-ser JB Rualchhinga ten KMMTTP siamna atana ram laknaa zang-nadawmna chungchanga an lungawi loh chhan an sawifiah a; zangna-dawmna pawisa pe vat turin thuneitute an phût.

LDLOA hruaitute chuan, kum ruk ral hnuah pawh an sum dawn tur an dawn loh avangin May 17, 2016 chhung ngeia pek an phût tih sawiin, "Pawisa hi pek kan nih loh chuan contractor-te hnenah hna chawlhsan rih tura kan ngen tur
thu Lawngtlai DC hnenah kan hrilh a, DC chuan May 24 thleng nghak turin min ngen a ni," an ti.

LDLOA hruaitute sawi danin, DC ngen anga May 24, 2016 thleng an nghah hnu pawh thâwm an hriat loh avangin June 1, 2016 khan contractor-te chu an hna thawh chawlhsan turin an hriattir a ni.

Contractor-te hna chawlhsan tura an ngen chhan chu an sual vang te, duhâm vangte leh kuttling loa sum lak an tum vang a ni lo tih sawiin LDLOA hruaitute chuan, "Kan ram min tihchhiatsak man hi Land Acquisition & Compensation Act-in a phal ang hian mi pe rawh se kan ti a ni," an ti.