KHAWTHLIR

Lusûn khawhar

Baptist Higher Secon-dary School principal Upa Dr KL Biakchung-nunga, Serkawn chu nimin zing dar 8:30 khan lungna leh kal
ṭha lo vangin Aizawl Civil Hospital-ah a thi. Vawiin chhun dar 12:00-ah ama duh dan angin a chenna inah Rev. CL Malsawma'n a vui ang.

YMA-in tanpui

Central YMA chuan nimin khan Endowment Fund aṭangin YMA Day pualin mi 321 hnenah ṭanpuina Rs. 6,42,000 a sem a, mi pakhat hnenah Rs. 2,000 zel pek tur a ni.

Thisen pe

Kolasib Vengthar Branch YMA chuan, YMA Day pualin June 11, 2016 khan Kolasib District Hospital tan thisen unit 31 an pe a, a petute mipa 25 leh hmeichhia paruk an ni.

Faith & Fate

Laltlankimi Ralte-in a nuṭa Tommy Malsawmtluanga hriatreng nana lehkhabu a ziah, 'Faith & Fate' tih chu nimin khan IPR Auditorium-ah Dr RL Thanmawia'n a tlangzarh. Laltlankimi hi kum 19 mi a ni a, a lehkhabu ziah hi English-a ziah niin, Kristian romantic novel a ni.

OM Books hawng

Upper Khatla-a Operation Mobiliasation (OM) Books dawr thar chu nimin khan MBSE chairman Rev.Dr Lalchungnunga'n a hawng. OM hian nimin aṭang khan Christian Book Fest an buatsaih nghal a, June 18 thleng neih a ni ang.

Blood Donor Day

Vawiin June 14 hi World Blood Donor Day a ni a, Mizoram district hrang hrangah hman a ni ang. Aizawlah chuan IPR Auditorium-ah hman a ni dawn a, minister Zodintluanga khuallian a ni ang. District hrang hrang-ah pawl hminga thisen pe tamte chawimawina an hlan dawn a ni.