Mi bo zawn zui zel a ni

June 4, 2016 aṭanga a awmna chin hriat loh, Jimmy Lalṭanpuia (38) h/o Lalrochhari, Aizawl Venglai chu khawtlangin June 10 aṭanga an zawn ṭan hnuah nimin khan an zawn chhunzawm a, he thu ziah lai thleng hian hmuh a la ni lo.

Nimina Jimmy Lalṭanpuia zawnnaah hian mi ṭhahnem tak an thawk chhuak a, Aizawl Venglai leh Electric Veng mite bakah, YMA branch hrang hrang aṭangin mi an thawk chhuak. Central YMA chuan Aizawl khawpuia YMA branch-te chu an huam chhung ṭheuhah a remchan anga mi bo zawng turin a ngen.