Mamitah Cable TV digitization chungchang sawiho

Nimin khan Mamit DC conference hall-ah addl. DC H Lianzela hoin Cable TV digitization kalpui meka hmalak zel dan ngaihtuah a ni.

H Lianzela chuan H Lianzela chuan Cable TV operator (LCO)-te chu theihtawp chhuaha hun tiam chhung ngeia set top box (STB) bun fel tura hrilhin, thingtlang phase -IV huamchhung bik atan September 15, 2016 chhunga lo peih hman ngei a ngaihthu sawiin, awlsam zawka mipui mimirten STB an neih vek theihna turin installment a pawisa pek dan ruahman sak turin LCO te a ngen nghal.

Mamit leh Zawlnuam chu nikum December 31 thleng hun pek an lo ni tawh a, July 10, 2016 chhunga STB nei vek tur a hmalak ni se, hemi hnuah hi chuan analogue signal pawh tihtawp zui ni se tih a ni.

LCO chu STB stock chungchangah harsatna an nei loa, a ṭul dan a zirin installment a pek pawh an in huam thu meeting-ah hian an sawi a ni.

LCO te chu digitization kalpui kawnga mipuite'na harsatna an thlenna tur hmun, man chawi loa biak theihna buatsaih tur leh mipuitena digitization awmzia an hriatthiam theihna tura a tam thei ang bera puangzar tura hriattir an ni.

Meeting-ah hian Mamit district chhunga Local Cable Operator, YMA Sub Hqrs, Mamit aiawh leh Mamit District Consumer Forum aiawhte an tel a ni.