Minister of state Prof. Lalnilawma'n Lungleia a department chan pisate a tlawh

Minister of state Prof. Lalnilawma chuan July 1, Thawhṭanni khan Lungleiah a depart­ment enkawl - Rural Development, PHE leh Horticulture office-te a tlawh a, thawktute'n an harsatna leh mamawh hrang hrang an lo thlen.

Prof. Lalnilawma chuan, RD department chu thingtlang mite tan thawk a nih angin theihtawp chhuah zel turin department-a thawkte a chah a, "Mizorama MGNREGS kalphung hi thlak danglam hret a ṭul a, hei hi chonaah ngaih ṭheuh tur a ni," a ti a; tuihna humhalh nan ‘Project tuihna - Dam khawchhuahna’ ruahman mek a nih thu leh Lunglei aṭangin hawn tur a nih thu a sawi.

PHE minister Lalnilawma hian PHE SDO pisa tlawh bawkin, thawktute a kâwm a; Lungleia PHE department hotute'n an hmalakna leh hmachhawpte an lo hrilhfiah bakah, harsatna leh mamawhte an lo thlen. Minister hian District Horticulture Office a tlawh bawk.