Dan bawhchhia man hnem

Aizawl District Transport Officer hnuaia enforcement staff-te chuan June 2024 chhung khan lirthei hmanga dan bawhchhia 222 an man a, chu'ng mite pawisa chawi tling khawm chu Rs 8,61,500 a ni.

Lirthei hmanga dan bawhchhiat vanga enforce­ment staff-te'n lirthei 222 an man zingah bungraw phur lirthei tê (light goods vehicle) tam berin, 72 a ni a; lirthei man tam zual dang chu - maxicab 65 leh bungraw phur lirthei lian (heavy goods vehicle) 24 a ni. Dan bawhchhia man zingah two wheeler taxi pakhat leh rental car pakhat awmin, a tlem ber.

Transport enforcement staff-te'n lirthei an enfiah zawng zawng chu 884 a ni a, chu'ng zinga 222 chu dan an bawhchhiat vanga man niin, document hrensak mi 42 an awm. A hmuna sum an chawi tur zat ang chawi tur nei lo chu e-challan pek ṭhin an ni.