PMJVK chungchang sawiho

Saitual District Level Committee on Pradhan Mantri Jan Vikas Karyakram (PMJVK) chu nimin khan an chairman Dr Lalngura Tlau, bawrhsap kaihhruaiin DC confe-rence room-ah an ṭhukhawm a, PMJVK scheme hrang hrang an sawiho.

Dr Lalngura Tlau chuan, PMJVK chu Ministry of Minority Affairs hnuaia centrally sponsored scheme (CSS) a nih thu sawiin, "He scheme hi a tam thei ang bera ram mipui leh khawtlangin an chhawr leh hman ṭangkai tura duan a ni a, project siamah pawh dream project ni loin, need project siam ang che u," a ti a; September 30, 2024 ral hmaa project proposal siamte DC office-ah thehlut turin kal khawmte a chah.

District Council and Minority Affairs superintendent Rosy Lalrinmawii chuan, PMJVK chungchanga project proposal siamna atana thil pawimawh hrang hrang a sawifiah a, zawhna leh chhanna hunte hman a ni. A kaihhnawih department hotute'n project proposal an thehluh dawnin administrative approval an dil hmasak a ṭul thu a sawi bawk.