Duhthusamin hma a lâk theih loh - DMR Minister

Disaster Management & Rehabilitation (DMR) minister K Sapdanga chuan, khuarel chhiatna thlengah duhthusamin hmalak chak theih a nih loh thu a sawi.

Aizawl North-III bialtu MLA K Sapdanga hian nimina a bial chhung Zarkawta leiminna hmun a enfiahnaah kumin hian hmun hrang hrangah khuarel chhiatna a thleng nasa tih a sawi a, "Mahni bial bik pawh ngaihsak bik hlei thei loin kan awm a, Zarkawt leimin pawh ka bial chhung a ni chungin a hmunah ka rawn en lawk thei lo a, a hrehawm hle a ni," a ti.

Chhiatna nasa zawk a thlen zel lohna turin sorkarin a theih ang angin ruahmanna a siam zel tih sawiin Minister chuan, "Sum harsatna avangin duhthusamin hma a lak chak theih loh. Chu bakah, ruahtui la tla reng hian hna thawh a tiharsa hle," a ti a; mahni in leh a vêl a him leh him loh thlithlai ngun a ṭul thu a sawi.

DMR Minister-in Zarkawta lei minna hmun a enfiahnaah hian Zarkawt Local Council leh ZPM Zarkawt Unit hruaitute'n an ṭawiawm a ni.