Covid-in sumdawngte a nghawng dan sumdawngte'n zir chian an rêl

Mizoram Business Coordination Committee (MBCC) chu nimin khan an convener F Rodingliana, minister of state pisaah an ṭhukhawm a, Covid-19-in sumdawngte a nghawng dan zir chian an rêl.

MBCC chuan, Industrial Growth Centre (IGC) Luangmual, EPIP, Lengte leh Industrial Estate, Zuangtuia mite chu sorkarin a pek dan ang ni loa hmang an awm loh nan hma la turin sorkarah an thlen a; Silchar-Aizawl kawngpui thlúr lia laih tur chu chak zawka hmalak a nih theih nan sorkarah thlen an tum.

Income tax lamah sumdawngte'n harsatna hrang hrang an tawh mek leh chhiah chungchanga sumdawngte inhriattirna hun buatsaih turin sorkar ngen an rel bawk.

MBCC hian an convener F Rodingliana chu MLA atana thlan tlin a ni leh, minister of state a nih avangin lawmpuina an hlan nghal a ni.