Buhfai man tihto hi a mak - Dampa MLA

MNF party chuan nimin khan an pisaah chhung inkhawm an hmang a, thusawitu MNF NCC member Lalrintluanga Sailo, MLA chuan, Mizoram sorkarin buhfai man a tito chu mak a tih thu a sawi.

Lalrintluanga Sailo chuan, "Mipui náwlpui, sorkar hnathawk awm ve lohna chhungkuate pawhin rualkhai taka sorkar zar kan zo ve theihna, union territory lai aṭang tawha buhfai subsidy-a kan lei ṭhin kg. khat Rs 15 aṭanga Rs 30-a a ti to hi a makin, a pawi a ni," a ti.

Tuialhthei aṭanga chhiah lak tihsan a ni pawh ṭha lo a tih thu sawiin Lalrintluanga chuan, "Inrenchemna kalpui inti sia tha ba rulhna nia insawi a, sum tam tak sênga Lungleia Council of Minister an va ṭhukhawmte kha sum tam tak aia hmingṭhatna thlang zawk inti party thil tihah chuan a âwm lo hle," a ti bawk.

Lalrintluanga Sailo chuam, MNF leh India sorkar inremna point 17-te chu Lalduhoma leh Laldenga duan dun a ni lo a, ramhnuai sorkar cabinet-in an duan a nih thu leh, Lalduhoma chuan an party awmna a sawn apiangin remna chungchanga a thusawi a dan zel ṭhin thu a sawi bawk a ni.