Sorkar chungah armed police-te lawm

Mizoram Armed Police Association (MAPA) chuan thuchhuah siamin, rifle allowance a lêta tihpun a nih avangin Mizoram sorkar chunga an lawm thu an tarlang.

MAPA chuan, ngaihven leh duhsak an mamawhnaah Mizoram sorkarin a duhsak tih tarlangin, "Hun rei tak chhung tihpun tawh loh kan rifle allowance chu a lêt aia tamin tun hnai khan min tihpunsak a, kan va lawm em," an ti.

An harsatna leh mamawh hrang hrang an thlente pawh a ṭul anga bawhzuiin, tihhlawhtlinsak an ni dawn tih an hriat avangin Chief Minister leh Home Minister chungah an lawm thu an tarlang bawk.

MAPA chuan, Lok Sabha MP inthlan neih zawh takah an member, Bihar, Uttar Pradesh, Delhi leh Punjab-a duty-te dam takin an lo haw vek tih an tarlang a, "Mizoram pâwn leh chhunga kan member duty-te thawhrimna leh thuawihna a ropui kan ti a, kan chhuang tak zet a ni," an ti.