KHAWTHLIR

Thisen pe

July 6, Inrinni khan KṬP, Dinthar Branch chuan an kohhran hall-ah Synod Hospital tan thisen unit 51 an pe a, petute mipa 42 leh hmeichhia pakua an ni. Salvation Army din champha vawi 159 pualin SAY, Lunglei Town Area leh Hnahthial CO Bialten Civil Hospital, Lungleiah unit 49 an pe a, petute mipa 43 leh hmeichhia paruk an ni a; SAY Thingfal Corps, Chawnhu Corps leh Lawngtlai Corps-te'n Lawngtlai District Hospital tan unit 26 an pe. Lawngtlaia ṬKP, College Veng Unit leh Bethlehem Unit-te'n District Hospital tan unit 18 an pe bawk.

MFC dintu thi

Mission for Christ dintu Rev. Dr Lalchungnunga (91), Durtlang Leitan chu nimin zing dar 9:15 khan a thi a, nizan khan lumen niin, vawiin chhun dar 12 hian Durtlang Leitan Hermon Venga an inah vùi a ni ang.