Chinland Revolution champha hmang

July 5, Zirtawpni zan khan Vanapa Hall-ah Chinland Revolution kum 3-na champha hman a ni a, Home minister K Sapdanga chuan a hmanpui.

He hun hi Myanmar ram chhunga Chin awmna (Chinland) mipuiin zalenna famkim an neih theihna tura kum 2021-a hma an lak ṭan hun hriatrengna a ni a; kum thum chhunga Chinland zalenna atana hmalak dan tlangpui tarlan a nih bakah, martarte hriatrengna hun hman a ni.

Minister K Sapdanga chuan, sahimna zawnga mahni in leh lo kalsana Mizorama rawn lutte chenna hrehawm taka an awm leh naupang tualchai a hmuhin a lungchhia tih a sawi a, "Mizoram hian inpui nih kan tlin lo a, thlaphâng taka inpui bêla in rawn khawsaknaah kan lo dawnsawn danah che u tlin lohna tam tak kan nei ang tih ka ring. Loh theih lohna avangin min rawn fin a, in beisei angin kan enkawl zo lo che u tih kan hria a, ngaihdam kan ngai hle a ni," a ti.

K Sapdanga chuan, "Vawiina harsatna kan tawh mek chu ruihhlo vanga kan ṭhalai, a bikin mipa kan thi nasa lutuk hi a ni," a ti a; ruihlonaa an theihna zawna ṭan la turin kal khawmte a chah.

Inkhawmah hian khualzahawm Pu Lalmuanpuia Punte, MLA leh Baryl Vanneihsangi Tlau, MLA-te pawhin thu an sawi a; Chin chief minister leh Chin hruaitu dangte'n thu an sawi bawk.