Puanṭhui khawl & pheikhawk siamna sem

Social Welfare & Tribal Affairs, Women & Child Development minister Lalrinpuii chuan July 5, 2024 khan Residential Institute & Training Centre (RITC), Training Centre for Specially-Abled Person (SAP) leh State Social Welfare & Rehabilitation Centre (SSWRC) aṭanga zir chhuakte hnenah puanṭhui khawl leh pheikhawk siamna bungrua a sem.

RITC-a training mi 25 hnenah state fund kaltlangin puanṭhui khawl leh certificate bakah, PMKVY kaltlangin mi 21 hnenah puanṭhui khawl leh certificate hlan a ni. SAP trainee hmeichhia 27 chu state fund kaltlangin puanṭhui khawl leh certificate pek a ni a; PMKVY kaltlangin mi 23 hnenah puanṭhui khawl, certificate leh stipend pek a ni bawk.

SAP-a mipa training pakua chu puanṭhui khawl leh stipend pek an ni a, mi panga hnenah pheikhawk siamna bungrua pek a ni.