Policy nei lo-ah MNF puh

Congress party chuan thuchhuah siamin, MNF party-in policy mumal an la nei lo niin an tarlang a, "MNF party ho chu an President-in an party policy tur MEDP-a duang a, kum thum hnuah a hrual mûm a, an relaese meuh chuan MEDP ni loin, SEDP a lo ni ta zawk a; chu pawh chu NLUP entawna siam a ni," an ti.

MPCC thuchhuah chuan, SEDP chu MNF-te'n an hmang hlen tawh ang chu an tih laiin, hmân deuhah MNF policy duangtu tur committee an din leh niin an sawi a, "Tlangzarh a nih hmaa press release-a an fak nghal chiamte hi a puitling zia lo-ah kan ngai," a ti a; MNF-te chu inthlan dawn apianga policy thlak tawh lo turin an chah a ni.