Olympic Day sawiho

Mizoram State Olympic Association chu nimin khan senior vice president Zodintluanga, Sports & Youth Services minister hoin a pisaah an ṭhukhawm a, International Olympic Day hman dan tur an rel.

Meeting chuan, International Olympic Day-ah hian Olympic Day Run buatsaih loin, Mizoram State Olympic Association general body meeting neih an rél a; chumi hnuah ‘Olympic-ah engtin nge Mizote kan tel ve theih ang?’ tih thupui sawihona buatsaih ni se, an ti.

Modern Olympic hi June 23, 1894-ah ṭan leh a ni a, chumi hriatreng nan chuan International Olympic Day chu June 23, 1948-ah din a ni. He ni-ah hian Mizoramah pawh kum hmasa lamah chuan Olympic Day Run-te buatsaih a ni ṭhin.