PIGFED-in khawmpui an hmang

Mizoram Pig Producers’ Cooperative Federation (PIGFED) Ltd. chuan, nimin khan AH&Vety conference hall-ah Annual General Assembly an hmang a, Cooperation minister Lalrinmawia Ralte-in a hmanpui.

Lalrinmawia Ralte chuan, khawvel ṭhang zelah kalphung, nun dan, hmanrua leh ngaihtuah-nate a ṭhan ve zel loh chuan hma a sawn theih loh tih a sawi a, "Khawvel hi a danglam toh a, chumi mila kan sûkthlêkte pawh siam rem ve zel a ngai. Ṭhat tlanna tur a nih chuan kal dan thlakthlengte a ngai a, chu chu cooperative tum dan pawh a ni," a ti.

Inkhawmpuiah hian kum 2015-16 chhunga share lei tamte leh PIGFED dawr tam society-te hnenah chawi-mawina hlan a ni.

PIGFED hi June 6, 1989-ah Cooperative Act hnuaiah din a ni a; a din chhan leh tum ber chu, vawk vulh leh a kaihhnawih thil hrang hranga member-te hmasawnna tura hmalak te, society member-te zirtir leh kaihhruaina pekte a ni. PIGFED-ah hian affiliated society 177 an awm mek.