YMA Day vawi 82-na lawm dawn

Vawiin hi YMA Day vawi 82-na a ni a, Mizo-ram chhung bakah, Mizo-ram pawna YMA branch din-naahte lawm a ni ang.

YMA din champha vawi 81-a pual hian Cen-tral YMA president Lal-biakzuala chuan thu-chah a tichhuak a, YMA member zawng zawngte YMA Day chibai bûkin, hlim tak leh hlâwk taka hmang turin duhsakna a hlan.

CYMA President chuan, Pathian kaih-hruai-na vangin YMA chuan kum 81 a tling tawh tih sawiin, "Central YMA pakhat, sub-headquarters panga, group YMA 47 leh branch YMA 806 zet kan awm ta a, YMA member pawh mi 4,04,535 zet kan lo awm ta a, a lawmawm hle a ni," a ti.

Lalbiakzuala chuan, kumin YMA Day pualin CYMA-in Mizoram páwn Mizo welfare 10 hnenah YMA Day thil-pek atan Rs. 10,000 ṭheuh a pek thu leh state chhung leh páwna YMA branch 235-a mi harsa leh damlote ṭanpui nan CYMA Endowment Fund aṭangin mi 321 hnenah Rs. 2,000 ṭheuh a pek thu a sawi.

YMA Day hi branch tinin an remchan dan angin an lawm dawn a; khawlai thenfai leh thlanmual tihfai hna-tlangte neih a ni dawn bakah, intihhlimna hunte hman a ni ang.